مدیر: ثمینہ راجہ

Saturday, December 12, 2009

Noon Meem Rashid

*
*
*
Nazar Mohammed Rashid (Urdu: نذر محمد راشد) (b. 1910 – 9 October 1975) commonly known as Noon Meem Rashid (Urdu: ن۔ م۔ راشد) or N.M. Rashid, was born as Raja Nazar Muhmmad Janjua. He was an influential Pakistani poet of modern Urdu poetry.


Early years

Rashid was born in Village Kot Bhaaga, Akaal Garh ( Now Alipur Chatha), Tehsil Wazirabad, District, Gujranwala, Punjab, and earned a masters degree in economics from the Government College Lahore.

Career

Rashid served for the UN and worked in many countries. He is considered to be the father of
Modernism in Urdu Literature.
Along with Faiz Ahmed Faiz, he is by far the greatest poet in the history of Pakistani literature.
His themes run from the struggle against oppression to the relationship between words
and meanings, between language and awareness and the creative process that produces
poetry and other arts.
Though intellectually deep, he is often attacked for his unconventional views and life-style.
In an age when Pakistani literature and culture acknowledge their Middle Eastern roots,
Rashid highlighted the Persian element in the making of his nation's history and psyche.





Rashid edited an anthology of modern Iranian poetry which contained not only his own translations
of the selected works but also a detailed introductory essay.
He rebelled against the traditional form of 'ghazal' and became the first major exponent of free verse in Urdu Literature.
While his first book, Mavra, introduced free verse and is more technically accomplished and lyrical,
his main intellectual and political ideals reach maturity in his last two books.
His readership is limited and recent social changes have further hurt his stature and there seems
to be a concerted effort to not to promote his poetry.
His first book of free verse, Mavra, was published in 1940 and established him as
a pioneering figure in free form Urdu poetry.
He retired to England in 1973 and died in a London hospital in 1975.
His body was cremated as requested in his will.
This created an outcry in the conservative Pakistani circles and he was branded an infidel.
Anyhow,he is considered a great figure in progressive Urdu literature.

Bibliography

Mavra
Iran Main Ajnabi
La Musawi Insan
Guman ka Mumkin ( Wikipedia)





RAQS

ay meri ham raqs mujh ko thaam ley
zindagi se bhaag kar aaya hoon main
darr se larazaaN hoon kaheen aisaa na ho
raqsgaah ke chor darvaaze se aa kar zindagi
dhoondh le mujh ko nishaaN paa le meraa
aur jurm e aysh karte dekh ley!

ay meri hamraqs mujh ko thaam ley
raqs ki ye gardishein
ek mubham aasiyaa ke daur hain
kisi sargarmi se gham ko raundtaa jata hoon main!
ji mein kehtaa hoon ke haan,
raqsgaah mein zindagi ke jhaaNkne se peshtar
kulfaton ka sang rezaa ek bhi rahne na paaye!

ay meri hamraqs mujh ko thaam ley
zindagi mere liye
ek khuunii bherhiye se kam nahi;
ay haseen o ajnabi aurat usi ke darr se main
ho raha hoon lamha lamha aur bhi tere qareeb
jaanataa hoon tuu merii jaaN bhi nahi
tujh se milne ka phir imkaaN bhi nahi
tu meri un aarzuuon ki magar tamsiil hai
jo rahien mujh se gurezaaN aaj tak!

ay meri hamraqs mujh ko thaam ley
ahad e pareena ka main insaaN nahi
bandagi se is dar o devaar ki
ho chuki hain Khvaahishen besoz o rango natavaaN
jism se tere lipaT saktaa to hoon
zindagi par main jhapaT sakta nahi!
is liye ab thaam le
ay haseen o ajnabi aurat mujhe ab thaam le



ZINDAGI SAY DARTAY HO


zindagi se darte ho
zindagi to tum bhi ho, zindagi to ham bhi hain
aadmi se darte ho
aadmi to tum bhi ho aadmi to ham bhi hain
aadmi zubaaN bhi hai, aadmi bayaaN bhi hai
is se tum nahi darte
harf aur maani ke rishta haaye aahan se aadmi hai vabastaa
aadmi ke daaman se zindagi hai vabastaa
is se tum nahi darte
ankahi se darte ho
jo abhi aai nahi us gharhi se darte ho
us gharhi ke aane ki aagahi se darte ho
pahle bhi to guzare hain
daur naa rasaai ke, be riyaa, Khudaai ke
phir bhi ye samajhte ho, hech aazru mandi
ye shab zubaaNbandi, hai rahe Khudabandi
tum yahi samajhte ho, tum magar ye kya jaano
lab agar nahi hilte... haath jaag uThte hain
haath jaag uThte hain raah kaa nishaan ban kar
nur ki zubaaN ban kar
haath bol uThte hain subah ki azaaN ban kar
roshni se darte ho
roshni to tum bhi ho, roshani to ham bhi hain
roshni se darte ho
shehar ki fasilon par
dev kaa jo saaya tha, paak ho gaya aakhir
azdahaam e afsaaN se fard ki navaa aai
zaat ki sadaa aai
raah e shauq mein jaise raah ravi khooN lapke
ik naya junooN lapke
aadmi chhalak uThe
aadmi haNse dekho, shehar phir base dekho
tum abhi se darte ho
haaN abhi to tum bhi ho, haaN abhi to ham bhi hain
tum abhi se darte ho



ANDHA KABARI


Shehr ke goshoon main hain bikhre huye
Pa shikasta sar bureedah khuwab
Jin se shehr walay bekhabar!
Ghoomta hon shehr ke goshoon main roz o shab
Ke in ko jama kar loon
Dil ki bhatTi main tapaoon
Jis se chatT jaye purana meel
Un ke dast o pa phir se ubhr ayein
Chamak uthein lab o rukhsar o garden
Jaisey nou araasta dulhoon ke dil ki hasratein
Phir se in khuwaboon ko simt e rah miley!

khuwab le lo khuwab ___
Subha hotey chouk main ja kar lagata hon sadaa ___
khuwab asli hain ke naqli ?
Youn parakhte hain ke jaise un se barh kar
Khuwab daan koi na hoo!
Khuwab gar main bhi nahi
Sorat gar e sani hon bas ___
Haan magar mayri maeeshat ka sahara khuwab hain!

Sham ho jati hai
Main phir se lagata hon sadaa ___
muft le lo muft, ye sonay ke khuwab ___
muft sun kar aur darr jate hain log
Aur chupke se sarak jate hain log ___
dekhna yeh muft kehta hai
Koi dhooka na ho?
Aisaa koi shubdaaH pinha na ho?
Ghar puhanch kar toot jayein
Ya pighal jayein yeh khuwab?
Bhak se urH jayein kaheen
Ya hum pe koi sehr kar dalain yeh khuwab ___
Je nahi kis kaam ke ?
Aisey kabarhi ke khuwab
Aisey na beena kabarhi ke ye khuwab!

Raat ho jati hai
Khuwaboon ke palandey sir pe rakh ker
Mu bisorey lout'ta hoon
Raat bher bar barata hoon
ye le lo khuwab ___
aur le lo mujh se in ke daam bhi
khuwab le lo , khuwab ___
mayre khuwab ___
khuwab ___ mayre khuwab ___
khuaaaab ___
in ke daaaaaaaamm bhiiiiii ___




INTEQAAM


Us ka chehra, uske khad o khal yad atey nahi
Ik shabistaan yaad hai
Ik berhna jism aatishdaaN ke paas
Farsh per qaleen, qaleenoon pe seej
Dhaat aur pathar ke buT
Gosha e deewar main hanste huye!
Aur atishdaaN main angaroon ka shour
Un buTon ki be hisii per khashmgeeN
Ujlii ujli unchi deewaron pe aks
Un farangi hakimoon ki yadgar
Jin ki talwaroon ne rakha tha yahan
Sang e bunyaad e farang!

Us ka chehra, us ke khad o khal yaad atey nahi
Ik barhna jism aub tak yaad hai
Ajnabi aurat ka jism,
Mayre hontoon ne liya tha raat bher
Jis se arbaab e watan ki be basii ka inteqaam
Woh barhna jism aub tak yaad hai !

===================================

6 comments:

  1. teri yad ai tereay janay k baad,,,,,,,,,,,,,,

    ReplyDelete
  2. noon meem rashid aur meer ko loag us trah sy nhi jan skay jo unka haq tha meer to phir bhi bht jagah bna gy but noon m rashid sy ziadti hy

    ReplyDelete
  3. This comment has been removed by the author.

    ReplyDelete
  4. Mirza Ali Raza +923226091134
    http://www.youtube.com/watch?v=Q_307Dk1Mzc&list=UUzIuxpXsHjCsS-ShxTBAJ3w&index=9&feature=plcp

    Hasan Koozah-gar ---- I

    JahaaN-zaad!
    Neeche gali mein
    Tere dar k aage
    Ye main sokhta-sar
    Hasan koozah-gar huN
    Tujhe subho bazaar mein
    BooRhe attaar Yusuf ki dukkaan par
    Main ne dekha
    To teri nigaahoN mein
    Wo taab-naaki thi
    Main jiski hasrat mein
    Nau saal deewaana phirta raha
    JahaaN-zaad!
    Nau saal deewaana phirta raha
    Ye wo daur tha
    Jis mein main ne kabhi
    Apne ranjoor koozoN ki jaanib palaT kar na dekha
    Wo kooze
    Mere dast-e-chaabuk k putle
    Gil o rang o raughan ki makhlooq-e-be-jaaN
    Wo sar-goshiyoN mein ye kehte,
    Hasan kooza-gar ab kahaN hai
    Wo ham se
    Khud apne amal se
    Khudaawand ban kar
    KhudaaoN ki maanind hai roo-e-gardaaN
    JanaaN-zaad!
    Nau saal ka daur
    YooN mujh pe guzra
    K jaise kisi shehr-e-madfoon par waqt guzre
    TaghaaroN mein mitti
    Kabhi jis ki khushbu se waarafta hota tha main
    Sang-basta paRi thi
    Suraahi o meena o jaam o subu
    Aur faanoos o guldaaN
    Meri heich-maaya maeeshat k izhaar-e-fan k sahaare
    Shikasta paRe they
    Main khud
    Main
    Hasan koozah-gar
    Pa-ba-gil
    Khaak-sar, bar-barehna
    Sar-e-chaak
    Zoleeda-mu
    Sar-ba-zaanu
    Kisi gham-zada deivta ki tarha
    Vaahime k gil o la se
    KhwaaboN k sayyaal kooze banaata raha
    JahaaN-zaad!
    Nau saal pehle tu nadaaN thi lekin
    Tujhe ye khabar thi
    K main ne
    Hasan koozah-gar ne
    Teri qaaf ki c
    Ufaq-taab aankhoN mein
    Dekhi hai wo taab-naaki
    K jis se mere jism o jaaN
    Abr o mehtaab ka rah-guzar ban gaye they
    JahaaN-zaad!
    Baghdaad ki khwaab-gooN raat
    Rood-e-Dajla ka saahil
    Wo kashti
    Wo mallaah ki band aankhein
    Kisi khasta-jaaN,
    Ranj-war koozah-gar k liye
    Eik hi raat
    Wo koh-ruba thi
    K jis se abhi tak hai paivast uska wujood
    Uska paikar
    Magar eik hi raat ka zauq
    Darya ki wo lehr nikla
    Hasan kooza-gar jis mein dooba
    To ubhra nahi hai
    JahaaN-zaad!
    Is daur mein roz
    Har roz
    Wo sokhta-bakht
    Aa kar mujhe dekhti
    Chaak par
    Pa-ba-gil,
    Sar-ba-zaanu
    To shaanoN se mujhko hilaati
    Wo shaanoN se mujhko hilaati,
    Hasan koozah-gar!
    Hosh mein aa
    Hasan!
    Apne veeraan ghar par nazar kar!
    Ye bachoN k tannoor kiyun-kar bharein ge!
    Hasan!
    Aai mohabbat k maare!
    Mohabbat ameeroN ki baazi!
    Hasan!
    Apne deewaar o dar par nazar kar!
    Mere kaan mein ye nawaa-e-hazeeN
    YuN thi jaise kisi Doobte shakhs ko
    Zeir-e-girdaab koi pukaare
    Wo ashkoN k ambaar
    PhooloN k ambaar they
    HaaN magar
    Main, Hasan koozah-gar
    Shehr-e-auhaam k
    Un kharaaboN ka mjzoob tha jin mein
    Koi sada
    Koi jumbish
    Kisi margh-e-parraaN ka saaya
    Kisi zindagi ka nishaaN tak nahi tha
    JahaaN-zaad!
    Main aaj teri gali mein
    YahaaN raat ki sard-gooN teergi mein
    Tere dar k aage
    KhaRa huN
    Sar o mu pareshaaN
    Dareeche se wo
    Qaaf ki c talismi nigaahein mujhe
    Aaj phir jhaankti hain
    Zamaana JahaaN-zaad! wo chaak hai
    Jis mein meena o jaam o subu
    Aur faanoos o guldaaN k maanind bante bigaRte hain insaaN
    Main insaaN huN lekin
    Ye nau saal jo gham k qaalib mein guzre
    Hasan koozah-gar,
    Aaj ik toda-e-khaak hai
    Jis mein nam ka asar tak nahi hai
    JahaaN-zaad!
    Baazaar mein subh
    Attaar Yusuf ki dukkaan par
    Teri aankhein
    Phir ik baar kuch keh gaee hain
    Un aankhoN ki taabinda shokhi se uTThi hai
    Phir toda-e-khaak mein nam ki halki c larzish
    Tamanna ki wus'at ki kis ko khabar hai!
    JahaaN-zaad!
    Lekin tu chaahe to ban jaauN
    Main phir wohi kooza-gar
    Jis k kooze
    They har kaakh o ku
    Aur har shehr o qarya ki naazish
    They jin se ameer o gada k masaakin
    DarakhshaaN
    Tamanna ki wus'at ki kis ko khabar hai!
    JahaaN-zaad!
    Lekin tu chaahe to main phir
    PalaT jaauN
    Un apne mehjoor koozoN ki jaanib
    Gil o la k sookhe taghaaroN ki jaanib
    Maeeshat k izhaar-e-fan k sahaaroN ki jaanib
    K main us gil o la se
    Us rang o raughan se
    Phir wo sharaare nikaaluN
    K jin se diloN k kharaabe hoN raushan.

    ReplyDelete
  5. khawab jo khiltay hain tu phir bikhar q jatay hain
    main ya sochta hon tu din dal q jatay hain

    mohsin mujay itna tu bta do akhir
    rog jab miltay hain tu phir dil mar q jatay hain

    By:Azeem Aftab(0308_6682939)

    ReplyDelete
  6. khawab jo khiltay hain tu phir bikhar q jatay hain
    main ya sochta hon tu din dal q jatay hain

    mohsin mujay itna tu bta do akhir
    rog jab miltay hain tu phir dil mar q jatay hain

    By:Azeem Aftab(0308_6682939)

    ReplyDelete

z

z